پولیس بھی وقت پر پہنچی اور ڈکیٹ بھی بھاگے ۔۔ بینک کے عملے نےایسا کیا کام کیا جس نے کروڑوں کیچوری سے بچا لیا؟

اسے اب ہم قسمت کہیں یا حاضر دماضی کورنگی کے ایک علاقے میں قائم ایک بینک میں ڈکیت گھس گئے اور تمام عملے کو یر غمال بنا لیا عملے کو یرغمال بنانے کے بعد بینک میں موجود تمام افراد کو بھی ہراساں کیا مگر اتنے میں کسی بینک کے ملازم نے موقع دیکھتے ہی ہمت کی اور سیکیورٹی الارم بجا دیا۔

الارم بجنے کے فوراََ بعد پولیس مذکورہ بینک پہنچی،پولیس کو آتے دیکھ کر ملزمان نے بینک گارڈ سے اسلحہ چھین کر پولیس پر فائرنگ شروع کر دی جس پر جوابی فائرنگ کی گئی اور ایک ملزم کو مار دیا گیا جبکہ 3ملزمان فرار ہونے میں کامیاب ہو گئے۔

ایس ایس پی کورنگی شاہجہاں خان کے مطابق فائرنگ کی آواز سن کر اردگرد کے علاقوں میں بھگدڑ مچ گئی لیکن کوئی جانی و مالی نقصان نہیں ہوا، ملزمان بھاگتے ہوئے بینک گارڈ سے چھینا ہوا اسلحہ اور موٹر سائیکل چھوڑ کر فرار ہو گئے جسے تحویل میں لے کر تحقیقات کا آغاز کر دیا ہے۔

واضح رہے کہ ایس ایس پی کورنگی شاہجہاں خان کے مطابق ہلاک ملزم کی شناخت محمد شاہد کے نام سے ہوئی ہے جس کا تعلق ملتان کے علاقے شجاع آباد سے ہے۔