دنیا بھر میں متعدد فیشن برانڈز ایسے ہیں جن کی مصنوعات کی قیمتیں آسمانوں سے باتیں کر رہی ہوتی ہیں۔
لیکن آج ہم آپ کو ایک ایسی پتلون کے بارے میں بتانے جا رہے ہیں جو دکھنے میں بہت ہی سادہ ہے اور اس میں گھاس کے دھبے بھی بنے ہوئے ہیں۔
اس گھاس کے دھبوں والی پینٹ کی قیمت اتنی ہے کہ جسے جان کر آپ کا منہ کھلا کا کھلا ہی رہ جائے گا۔
سوشل میڈیا پر ایک مشہور و معروف فیشن برانڈ گوچی کے چرچے ہوتے رہتے ہیں اور حیران کن طور پر یہ پتلون بھی گوچی کی ہے۔ یہ پینٹ ایسی ہی بنائی گئی ہے جسے دیکھ کر یوں محسوس ہوتا ہے کہ گھاس کے دھبے لگے ہوں۔
یہ مذکورہ پتلون گوچی کی جانب سے گزشتہ برس 2020 میں پیش کی گئی تھی۔ جس کی قیمت ٧٦٥ ڈالر ( پاکستان ایک لاکھ 23 ہزار ) سے زائد ہے۔
اسی طرح دوسری پتلون بھی متعارف کروائی گئی جس کی قیمت 1400 ڈالر ( پاکستانی 2 لاکھ 25 ہزار ) سے زائد ہے۔
گوچی کمپنی کے مطابق 2020 کی یہ جینز آرگینک کاٹن سے تیار کی گئی تھیں۔