برانڈ کے کپڑے پہننے سے ہی انسان امیر یا اس کی شخصیت میں نکھار نہیں آتا بعض اوقات سستے اور لوکل کپڑے بھی پہن لئے جائیں تو کسی کو معلوم بھی نہیں چلتا کہ یہ اتنے سستے سے کپڑے ہیں۔ اب بات اگر ہم ان مشہور اداکاروں کی کریں تو آپ کو معلوم ہوگا کہ صرف مہنگے برانڈڈ کپڑے ہی نہیں بلکہ سستے اور لوکل مارکیٹوں اور دکانوں سے خریدے ہوئے کپڑے بھی پہنتے ہیں۔
حنا الطاف
٭ اداکارہ حنا الطاف بھی کراچی میں موجود زینب مارکیٹ سے خریدے ہوئے کپڑے پہن لیتی ہیں، انہوں نے کچھ وقت قبل ایک وی لاگ بھی بنایا تھا جس میں یہ بتا رہی تھیں کہ زینب مارکیٹ میں کیا کیا چیزیںا چھی ہیں اور یہ کیا خرید رہی ہیں۔
عاصم اظہر
٭ گلوکار عاصم اظہر کی ایک تصویر اور کمنٹ سوشل میڈیا پر خوب وائرل ہو رہا ہے جس میں وہ ایک نیلے رنگ کے ڈیزائن کی شرٹ پہنی ہوئی ہے، کسی نے پوچھا کمنٹ میں کہ یہ 800 روپے کی شرٹ ہے نا، اس پر عاصم نے کہا کہ امی نے گھر کے قریب والی لوکل دکان سے 300 روپے میں خریدی ہے اور اگر یہی شرٹ وہ دکان والا کسی کو 800 میں دے رہا ہے تو زیادہ پیسے وصول کر رہا ہے، اس کو میری یہ پوسٹ دکھا دو۔''
دیپیکا پاوڈوکون
٭ بھارتی اداکارہ دیپیکا پاوڈوکون کا پہنا گیا یہ لباس صرف اور صرف 1800 روپے کا ہے جوکہ ایک لوکل برانڈ سے لیا گیا ہے، اس کی کوئی خاص اہمیت نہیں تھی، لیکن دیپیکا کے پہننے کے بعد بہت مشہوری ہوئی۔
میگھن مارکل
٭ شاہی خاندان کی بہو میگھن مارکل بھی سستے کپڑے پہنتی ہیں جوکہ برطانیہ کی لوکل مارکیٹ سے ہی لیتی ہیں۔ شادی کے بعد بھی ان کے کپڑوں کا معیار نہ بدلا۔