روزانہ شیمپو اور کیمیکل کے استعمال سے بال گرنا اب معمول کی بات ہوگئی ہے۔ جسے دیکھو بال جھڑنے ک شکایت کرتا نظر آتا ہے۔ کسی کے بال سر کے بیچ سے غائب ہیں تو کسی کے ماتھے پر سے۔ لیکن آج آپ کو کچھ ایسے طریقے بتائے جائیں گے جن کے روزنہ استعمال سے آپ اپنے قدرتی بال واپس لاسکتے ہیں۔
پیاز اور وٹامن ای
پیاز کے اندر سلفر اور فاسفورس کی بڑی مقدار شامل ہوتی ہے اور یہ اجزاء بالوں کی افزائش کے لئے ٹانک کا کام کرتے ہیں۔ دو بڑی پیاز کا رس نکال کر چھان لیں اور اس رس میں دو سے تین وٹامن ای کے کیپسول توڑ کر شامل کرلیں۔ یہ کیپسول آپ کو کسی بھی اچھے میڈیکل اسٹور سے مل جائیں گے۔ اس آمیزے کو ہفتے میں تین بار ایک گھنٹے کے لئے سپ پر لگائی اور بال دھو لیں۔
گرین ٹی
دو سے تین گرین ٹی کے ٹی بیگز لیں اور اسے دو کپ گرم پانی میں ڈال دیں۔ جب وہ پانی ٹھنڈا ہوجائے تو بالوں پر مساج کریں۔ ایک گھنٹہ لگانے کے بعد بال دھو لیں۔
میتھی دانہ
میتھی دانہ رات بھر پانی میں بھگوئیں اور صبح گرائینڈ کرکے سر کی جلد میں لگا لیں۔ آدھے گھنٹے بعد سر دھو لیں۔ اس ٹوٹکے کے بعد سر میں شیمپو نہ لگائیں۔