ورلڈ کپ میں جہاں پاکستانی کھلاڑیوں نے عوام کے دل جیتے وہیں کپتان بابر اعظم نے کئی بڑے اعزاز اپنے نام کرکے پاکستان کا نام خوب روشن کیا۔ گذشتہ روز بابر اعظم نے ٹوئٹر پر مداحوں کی جانب سے گوگل پر سب سے زیادہ پوچھے جانے والے سوالوں کے دلچسپ جوابات دیئے۔
رہائش اور بلے کا انتخاب
پہلا سوال کیا گیا کہ بابر اعظم کہاں رہتے ہیں جس کے جواب میں انہوں نے بتایا کہ میں لاہور میں رہتا ہوں جہاں کھانا سب سے زیادہ مشہور ہے۔ اگلا سوال تھا کہ بابر کون سا بیٹ استعمال کرتے ہیں؟ اس سوال کے جواب میں انہوں نے بتایا کہ
6 سے 7 بلے اپنے ساتھ رکھتا ہوں۔ ۔ بیٹ کا وزن 2.8 سے 2.9 پاؤنڈ کے درمیان ہوتا ہے اور میں میچ یا پچ کی صورتحال کو دیکھ کر بلے کا انتخاب کرتا ہوں۔ میں گرے نکل بیٹ استعمال کرتا ہوں۔
تنخواہ
اور شادی
جب سوال آمدنی یعنی تنخواہ کے حوالے سے کیا گیا تو جناب نے فرمایا اب یہ تو میں نہیں بتاؤں گا لیکن آپ کی سوچ سے کم ہے۔ اس کے بعد شادی سے متعلق کئے جانے والے سوال کے جواب میں بابر نے کہا کہ:
''
’’اے تو مینوں بی نئیں پتہ’’ گھر والوں کو معلوم ہے اور فی الحال میری ساری کرکٹ پر ہے اور کرکٹ ہی انجوائے کرنے دیں۔
''
پسندیدہ کھلاڑی
پسندیدہ کھلاڑی کے حوالے سے انہوں نے بتایا کہ میرا سب سے آئیڈل جنوبی افریقہ کے کھلاڑی اے بی ڈی ویلیئر ہیں جن کے انداز کو میں کاپی کرتا آیا ہوں۔