سوشل میڈیا پر ایسی کئی ویڈیوز اور تصاویر دیکھی ہوں گی جس میں سیلیبریٹیز اپنے بچوں کی تصاویر مداحوں سے شئیر کرتے ہیں۔
ہماری ویب ڈاٹ کام کی اس خبر میں آپ کو ثانیہ مرزا اور ان کے بیٹے سے متعلق کچھ ایسی معلومات فراہم کریں گے جو ہو سکتا ہے آپ نہیں جانتے ہوں۔
ثانیہ مرزا اور شعیب ملک کے بیٹے ازہان کو ویسے تو کئی مرتبہ سوشل میڈیا پر دیکھا گیا ہے، مگر اکثر لوگ یہ سوچتے ہیں کہ سیلیبریٹیز اپنے بچوں کی صحیح تربیت کرتے ہیں یا نہیں؟
ثانیہ مرزا ایک ایسی ماں ہیں جو کہ بیٹے کی تعلیم و تربیت پر بھی توجہ دے رہی ہیں اور اپنے ٹینس کے کھیل پر بھی۔ بیٹے کی پڑھائی سے متعلق ثانیہ باخبر رہتی ہیں۔
مگر وہ بیٹے کو دینی تعلیم بھی دیتی نظر آتی ہیں۔ اس ویڈیو میں ثانیہ بیٹے ازہان کو سونے سے پہلے کی دعا یاد کرا رہی ہیں، جبکہ ازہان دعا کو سنا رہا ہے، اگرچہ ازہان ابھی سیکھ رہا ہے مگر وہ ماما کی دہرائی گئی دعاؤں کو ذہن میں نقش کر چکا ہے۔
اسی طرح ازہان نے کھانے کے بعد کی دعا بھی سنائی جو اگرچہ بیچ بیچ میں ازہان رک رہا تھا مگر بیٹے کی تربیت میں ثانیہ کوئی کسر نہیں چھوڑ رہی ہیں۔
جبکہ ان تصاویر میں دیکھا جا سکتا ہے کہ ثانیہ نماز پڑھ رہی ہیں اور ان کے آگے ازہان بھی ماں کی دیکھا دیکھی نماز پڑھ رہے ہیں۔ ثانیہ نے ازہان کو دینی اور دنیاوی تعلیم دونوں دیتی نظر آتی ہیں۔
وہ بیٹے کو نماز کے بعد جائے نماز پر ہی اپنے ساتھ بٹھا کر دعا کے لیے ہاتھ اٹھواتی ہیں، تاکہ بیٹے کو ان سب باتوں کا علم ہو۔
جبکہ ثانیہ بیٹے کو کارٹون کرداروں سے بھی روشناس کراتی ہیں، اس ویڈیو میں دیکھا جا سکتا ہے کہ وہ بیٹے کو اسپائیڈر مین سے متعلق بتا رہی ہیں۔