شاید کسی نے غور کیا ہو یا نہ ہو لیکن ایسا حقیقت میں ہوتا ہے کہ شادی کے کئی سالوں بعد میاں بیوی کی شکلیں ایک جیسی دکھائی دینے لگتی ہیں۔
غیر ملکی میڈیا رپورٹس کے مطابق سنہ 1987ء میں کی گئی ایک نفسیاتی تحقیق میں مشہور نفسیات دان رابرٹ زاہونک نے انکشاف کیا تھا کہ وہ شادی شدہ میاں بیوی جن کی شادی کو 25 سال یا اُس سے زیادہ کا عرصہ گزر چکا ہے، اُن میں شوہر اور بیوی کی شکلیں ایک دوسرے سے ملنے لگتی ہیں۔
اُن کا خیال تھا کہ شاید اتنے طویل عرصے تک ایک ساتھ رہنے کی وجہ سے میاں بیوی لاشعوری طور پر ایک دوسرے کی عادتیں اختیار کرلیتے ہیں جس کے نتیجے میں اُن کے چہرے کے تاثرات، مسکراہٹ اور نقوش ملنے لگتے ہیں۔
ضروری نہیں ہے کہ ایسا ہر شادی شدہ جوڑوں کے ساتھ ہوتا ہو، بہت بار تو شادی کے بعد کئی سال بعد میاں بیوی کی شکلیں ایک دوسرے سے کافی مختلف بھی دکھائی دیتی ہیں۔