ابلا ہوا انڈہ ہر کوئی سردی میں تو عموماً زیادہ کھاتا ہے تاکہ پورا دن جسم گرم رہے اور سردی سے بچت ہوسکے۔ اور سردی کے دنوں میں صبح اٹھنے کا دل نہیں چاہتا جس کی وجہ سے اکثر ناشتہ بننے میں دیر ہوجاتی ہے اور انڈہ یا تو کچا رہ جاتا ہے یا پھر بہت زیادہ پک جاتا ہے، کچھ لوگوں کا انڈہ تو سخت ہوجاتا ہے۔ اب اگر آپ بھی اس مسئلے کا شکار ہیں تو جانیں ۳ منٹ میں انڈہ ابالنے کی یہ خاص ٹپ جس سے انڈہ بھی ابلے آپ کی مرضی کا اور اتنا مذیدار کے کھا کر آپ کو بھی مزہ آجائے۔
طریقہ:
انڈے چونکہ سب ہی فریج میں رکھتے ہیں تو وہ ٹھنڈے ہو رہے ہوتے ہیں۔ آپ فریج میں انڈے نکال کر اس برتن میں رکھیں جس میں آپ ان کو ابالتے ہیں۔
پھر اس میں اتنا پانی ڈالیں کہ پانی انڈے کے تھوڑا اوپر ہو۔
اب اس میں آدھا چمچ نمک ڈال کر اس کو ابال لیں۔
جب پانی میں ابال آجائے تو اس میں سے انڈے کو نکال کر دوسرے
پیالے میں رکھیں اور اس میں آدھا کپ ٹھنڈا پانی ڈال دیں۔
ایک سے دو سیکنڈ انڈے کو اس میں رہنے دیں۔
پھر انڈے کو نکال کر چھیل لیں۔ یہ بہت ہی جلد چھل جائے گا۔
لیجیئے تین منٹ میں آپ کا ابلا ہوا انڈہ تیار ہے۔