صوابی میں زیرِ تعمیر پل گر کر ٹوٹ گیا ہے۔ اس پل کی لاگت کروڑوں روپے بتائی جارہی ہے البتہ پل گرنے سے کسی جانی نقصان کی اطلاع نہیں موصول ہوئی۔
جیو نیوز کے مطابق صوابی میں یہ پل گوہاٹی کے مقام پر ایشین ڈیویلپمنٹ بینک کی مدد سے تعمیر کروایا جارہا تھا جس میں ایک پلر سلپ ہو کر پہلے سے نصب دو پلرز پر گر گیا جس کی وجہ سے پل ٹوٹ کر گر گیا۔
کمشنر مردان ڈویژن کا کہا ہے کہ اس حوالے سے تحقیقات جاری ہیں البتہ دورانِ تعمیر پل گرنے کی ذمہ داری کنٹریکٹر پر عائد ہوتی ہے اس سے سرکاری خزانے کا نقصان نہیں ہوتا۔