مصر میں ایک ایسا بچہ پیدا ہوا ہے جس کے 2 ہاتھ اور 2 ٹانگیں تو بالکل ٹھیک ہیں۔ بظاہر اس میں کسی قسم کی کوئی خامی یا ذیادتی نظر نہیں آتی، البتہ اس کے جسم میں 2 کی جگہ 4 گردے موجود ہیں جس کو دیکھ کر ڈاکٹر بھی حیران ہوگئے ہیں۔
مصر میڈیا کے مطابق بچے کی پیدائش جس وقت ہوئی جب اس کے تمام تر ٹیسٹ کیے گئے جو بالکل نارمل تھے، اس وقت یہ معلوم ہی نہ ہوسکا کہ بچے کے جسم میں 4 گردے ہیں۔ لیکن اب جبکہ بچے کی پیدائش کو 4 ماہ گزر چکے ہیں۔ کچھ دنوں سے اس کی طبیعت بہت زیادہ خراب تھی۔ متلی اور قے جو اکثر بچوں کو ہو جاتی ہے۔ لیکن جب طبیعت حد سے زیادہ بگڑی تو والدین نے بچے کو ہسپتال میں داخل کروایا۔
یہاں ڈاکٹروں نے اپنے طور سے تمام تر دوائیاں دیں اور ٹیسٹ کروائے تو معلوم ہوا کہ بچے کے جسم میں 1 یا 2 گردے نہیں بلکہ 4 گردے ہیں۔ جس کی وجہ سے اس کی طبیعت غیر ہوتی جا رہی ہے۔
ڈاکٹروں کے مطابق 4 گردوں کی یہ بیماری ڈپلیکس کڈنی کہلاتی ہے جس کی تشخیص حمل کے دوران ہر گز نہیں ہوتی بلکہ پیدائش کے کچھ ماہ بعد یہ سامنے آتی ہے جس کا علاج دنیا میں بہت کم ہی موجود ہے۔
بچے کی طبیعت ادویات سے اگر سنبھل جائے تو وہ لمبی زندگی پا سکتا ہے۔ البتہ ڈاکٹر یہ بھی کہتے ہیں کہ ایسے کیسز میں جب بچہ صحت مند ہو جائے تو موت کے خدشات زیادہ نہیں ہوتے۔