شعیب اختر ویسے تو سب کی توجہ حاصل کرنا بخوبی جانتے ہیں مگر ان دنوں ان کے حج کے سفر کی خبر کافی وائرل ہے، جس نے صارفین کی بھی توجہ حاصل کی ہے۔
ہماری ویب ڈاٹ کام کی اس خبر میں آپ کو اسی حوالے سے بتائیں گے۔
شعیب اختر اس سال حج کی سعادت حاصل کرنے والوں میں شامل ہیں، لیکن وہ اس جذباتی سفر کو بہت ہی پُر لطف طریقے سے انجوائے کر رہے ہیں، اور نہ صرف خود بلکہ اپنے مداحوں سے بھی ان لمحات کو شئیر کر رہے ہیں۔
شعیب اختر کی جانب سے ایک ویڈیو اپلوڈ کی گئی تھی جس میں شعیب اختر مکہ کلاک ٹاور پر موجود ہیں، سعودی عرب کا وہ مقام جہاں سے آپ مکہ مکرمہ کو بخوبی اور بہت صاف دیکھ سکتے ہیں۔
شعیب بھی اسی مقام پر موجود تھے اور اپنے چاہنے والوں کو اس مقام کے بارے میں بتا رہے ہیں۔ آنکھوں میں عاجزی اور انکساری، آواز میں جذباتی عنصر، باڈی لینگوج بھی انتہائی نرم، شعیب اختر اس مقام پر کچھ اس طرح جذباتی تھے کہ ان کا لب و لہجہ ان کی ترجمانی کر رہا تھا۔
ویڈیو میں دیکھا جا سکتا ہے کہ شعیب بتا رہے ہیں کہ وہ اس وقت دنیا کے ایک بلند ترین عمارت پر موجود ہیں جس کے سامنے نظارے کے لیے سب سے اہم اور مقدس مقام موجود ہے۔
کیمرے کی آنکھ نے خانہ کعبہ کا ایک ایسا منظر دکھایا جسے عام طور پر مسلمانوں نے نہیں دیکھا تھا، ان مسلمانوں نے جو کہ اس مقام پر کبھی نہیں گئے۔
شعیب اختر کے سفر کی شروعات تو کل سے ہی ہو گئی تھی مگر آج باقاعدہ طور پر انہوں نے سوشل میڈیا پر بھی خانہ کعبہ کی پہلی ویڈیو اپلوڈ کی۔