پاکستان کے سیمی فائنل میں پہنچنے پر عرفان پٹھان نے تعریف کی تھی ۔ بہرحال انہوں نے اب ایک اور ٹوئٹ کر ڈالی جس پر بھی انہیں تنقید کا سامنا کرنا پڑ رہا ہے۔
اور لکھا کہ پڑوسیو، جیت آتی جاتی رہتی ہے لیکن گریس آپ کے بس کی بات نہیں۔ اس ٹوئٹ پر رد عمل دیتے ہوئے عمران نظیر نے لکھا کہ ٹوئٹ دیکھ کر افسوس ہوا تو عرفان پٹھان جواباََ کہتے ہیں کہ آپ کو جیت کے بعد چند پاکستانیوں نے کے طرز عمل پر بھی افسوسکا اظہار کرنا چاہیے۔ اب کی مرتبہ عمران نظیر نے پھر کہا کہ مجھے نہیں معلوم کہ وہاں کیا ہوا۔
اور نہ ہی میں کسی کے برے طرز عمل کا دفاع کر رہا ہوں لیکن چند لوگ کسی قوم کی عکاسی نہیں کر سکتے۔ اس موقعے کو غنیمت جانتے ہوئے پاکستانی یوٹیوبر ارسلان نصیر بھی سامنے آئے اور عرفان پٹھان کو کہہ ڈالا کہ معافی چاہتا ہوں سر فائنل میں پہنچ جائیں تو بات کیجئے گا ادھر آواز نہیں آ رہی ہے۔
بعد میں عرفان نے بس ٹوئٹ کرتے ہوئے یہی لکھا کہ یہ ٹوئٹ کھلاڑیوں کیلئے نہیں ہے۔یاد رہے گزشتہ روزپاکستان کے نیوزی لینڈ سے سیمی فائنل جیتنے کے بعد عرفان پٹھان نے ہی رضوان اور بابر کے کھیل کی تعریف کی تھی۔