تمہیں اونچائی سے ڈر لگتا ہے بابر۔ یہ الفاظ تھے انگلینڈ کے کپتان جوس بٹلر کے۔ ہوا کچھ یو ں کہ دونوں سیمی فائنل کھیلنے والی ٹیموں کے کپتان کی ٹرافی کے ساتھ تصاویر میلبرن گراؤنڈ کے چھت پر تصاویر کھینچوائی گئیں اور انٹرویو لیا گیا۔
جس میں کپتان بابر نے کہا کہ پاکستانی ٹیم کیلئے ٹورنامنٹ کا آغاز اچھا نہ ہوا تھا پر ہم نے کوشش کی اور نتیجہ آپ کے سامنے ہے کہ آج ہم فائنل کھیل رہے ہیں یہی نہیں ان کا یہ بھی کہنا تھا کہ ہمیں یہ لگا ہی نہیں کہ جیسے ہم پاکستان سے باہر کھیل رہے ہیں، یہاں عوام نے ہمارا بہت حوصلہ بڑھایا۔
اس کے علاوہ انگلش کپتان بٹلر نے کہا کہ پہلی مرتبہ اتنے بڑے ایونٹ میں ملک کی نمائندگی کر رہا ہوں کوشش ہو گی کہ جیتیں پر، پاکستان ایک بہت اچھی ٹیم ہے، مقابلہ سخت ہوگا۔ بہرحال گراؤنڈ کی چھت پر جاتے ہوئے مذاحیہ انداز میں بٹلر نے بابر سے کہا ڈر تو نہیں لگ رہا تمہیں اونچائی سے کیونکہ یہ بہت اوپر ہے۔