انگلینڈ کرکٹ ٹیم پاکستان آمد پر مشکلات کا شکار ہوگئی۔ کل ہونے والے پنڈی ٹیسٹ سےقبل انگلینڈ کے کپتان سمیت دیگر کھلاڑیوں کی طبعیت ناساز ہوگئی ہے۔
ذرائع کے مطابق انگلش کرکٹ اسکواڈ کے 14افراد بدہضمی کا شکار ہیں جن میں کپتان بین اسٹوکس بھی شامل ہیں۔ پہلے ٹیسٹ سے قبل آج پنڈی اسٹیڈیم میں ٹرافی کی رونمائی بھی ہونی تھی تاہم انگلش کپتان بین اسٹوکس کی طبعیت خرابی کے باعث تقریب ملتوی کرنی پڑی جو اب کل ہوگی۔
ترجمان انگلش کرکٹ بورڈ اس حوالے سے کہنا ہے کہ انگلینڈ کے کھلاڑیوں میں کورونا کی علامات ظاہر نہیں ہوئیں اور کھلاڑی کل راولپنڈی ٹیسٹ کھیلنے کے لیے تیار ہیں۔
ای سی بی کے ترجمان کی جانب سے کہا گیا ہے کہ کھلاڑیوں کا میڈیکل چیک اپ کیا جا رہا ہے ، کھلاڑیوں کو صرف وائرل انفیکشن جو معمول کی بات ہے۔
سوشل میڈیا پر انگلش کھلاڑیوں کی طبعیت خرابی کے بعد اطلاعات سامنے آرہی ہیں کہ کل ہونے والا پنڈی ٹیسٹ ملتوی ہوجائے گا تاہم پی سی بی کی جانب سے کوئی ایسا بیان سامنے نہیں آیا۔