مشہور شخصیات کے ساتھ تصاویر کھنچوانا بہت پرانا اور عام شوق ہوتا ہے لیکن آگے جا کر یہ تصاویر اتنی یادگار بن جائیں گی کہ آپ ساتھ بیٹھ کر اسی مشہور شخصیت کے ساتھ اس تصویر پر ہنسیں گے ایسا بہت ہی کم لوگوں کے ساتھ ہوتا ہے۔ البتہ مشہور فٹ بالر میسی اور ان کے ننھے مداح کے ساتھ کچھ ایسا ہی ہوا۔
میسی کے ساتھ مداح کے طور پر موجود یہ بچہ جولین الواریز ہے جنھوں نے 12 برس کی عمر میں لیونل میسی کے ساتھ تصویر کھنچوائی اور 10 سال بعد قطر کے فیفا ورلڈ کپ میں ارجنٹائن کی جانب سے میسی کے ساتھ کھیلتے ہوئے ٹیم کو فائنل میں پہنچا دیا۔
بچپن کی اس یادگار تصاویر میں جولین کے ساتھ ان کے چند دوست بھی موجود ہیں۔ جولین کا خواب تھا کہ بڑے ہو کر وہ بھی اپنے ملک کی نمائندگی کریں اور میسی کی طرح ملک کا نام روشن کریں۔ جولین نے ٹیم کے ساتھ مل کر کروشیا کے خلاف 3 گول کیے۔
جولین کی شاندار کارکردگی پر میسی بھی خوش ہوگئے اور انھوں نے ساتھی کی حیثیت سے جولین کو سب سے پہلے گول کرنے پر مبارکباد دی۔ جولین اور میسی ایک دن ساتھ کھیلیں گے یہ 10 سال پہلے کوئی کہہ نہیں سکتا تھا۔ سوشل میڈیا پر جولین کی میسی کے ساتھ کھنچوائی گئی تصویر اب تیزی سے وائرل ہورہی ہے۔