ملک پاکستان پر اب کی بار افغانستان کی جانب سے فائرنگ اور گولہ باری کی جارہی ہے جس میں 15 شخص زخمی ہو گئے لیکن اس سے پہلے گزشتہ روز سیکیورٹی فورسز کا ایک قافلہ تحصیل دتہ خیل سے میران شاہ جا رہا تھا کہ موٹر سائیکل پر سوار خودکش بمبار نے حملہ کر دیا۔
جس کے نتیجے میں نجی ٹی وی کی رپورٹ کے مطابق 3 عام شہری ، 9 سیکیورٹی اہلکاروں سمیت 14 افراد زخمی ہو گئے۔ تاہم آئی ایس پی آر کی طرف سے جاری کردہ بیان میں یہ کہا گیا ہے کہ 14 دسمبر کو میران شاہ کے علاقے میں ایک خود کش دھماکا ہوا۔
اور 30 سالہ سپاہی محمد امیر شہید ہو گئے ،یہی نہیں بلکہ پاک فوج کی جانب سے یہ بھی کہا گیا ہےکہ دہشتگردوں کو منہ توڑ جواب دیا گیا،ان کے ٹھکانوں کو نشانہ بنایا گیا۔
یہاں آخر میں آپکو بتاتے چلیں کہ افغان فورسز نے شہری آباد کی طرف فائرنگ اور گولہ باری کی جس کے بعد بوغرا، مال روڈ،بائی پاس اور بارڈرد روڈ خالی کرنے کی ہدایت کر دی ہے۔ دوسری طرف اب ڈی ایچ کیو اسپتال چمن میں ہنگامی صورتحال نافذکر دی گئی ہے۔