آج کل گوشت مہینوں تک محفوظ رکھنا کوئی مسئلے کی بات نہیں کیونکہ فریج اور فریزر کی سہولیات تقریباً ہر گھر میں موجود ہیں لیکن کبھی ایسا بھی ہوتا ہے کہ فریج خراب ہوجاتا ہے یا پھر کسی اگر کسی کی استطاعت نہیں ہو تو وہ کیا کرے۔ اس آرٹیکل میں آپ کو گوشت کو لمبے عرصے تک محفوظ رکھنے اور اچار گوشت بنانے کی ترکیب بتائی جائے گی۔

اجزاء

گائے کا گوشت = آدھا کلو

سرکہ = آدھا کپ

لہسن ادرک پیسٹ= 4،6 چمچ (سرکے میں پسا ہوا)

سرسوں کا تیل= 1 پاؤ

گرم مصالحہ پسا ہوا = ڈیڑھ چمچ

نمک = حسب ذائقہ

کٹی مرچ = 1 چائے کا چمچ

پسی مرچ = 1 چائے کا چمچ

دھنیا = 1 چمچ (پسا ہوا لیکن زیادہ باریک نہ ہو)

بنانے کا طریقہ

سب سے پہلے دیگچی میں سرسوں کا تیل ایک کپ ڈالیں اور گرم ہوجائے تو لہسن ادرک کے پیسٹ میں تمام مصالحے مکس کر کے پتیلی میں ڈال دیں۔ آنچ دھیمی رکھیں تاکہ مصالحے جلیں نا۔ تھوڑا سا بھونیں پھر گوشت ڈال دیں اور پھر بقیہ سرکہ ڈال کر اچھی طرح بھونیں اور گوشت کو دھیمی آنچ پر ڈھائی گھنٹ پکنے دیں۔ اور درمیان میں ہلکے ہاتھ سے لکڑی کا چمچ چلاتی رہیں۔ لیجیے مزیدار گوشت کا اچار تیار ہے۔ اسے کسی بھی کھلی جگہ رکھا جاسکتا ہے۔

احتیاط

گوشت کا اچار بنانے میں پانی بالکل استعمال نہیں کرنا۔ پکانے سے پہلے دھو کر اچھی طرح سکھا لیں۔ پکاتے ہوئے صرف سرکہ استعمال کریں اور صرف لکڑی کا چمچ ہی اندر ڈالیں۔ اس کے علاوہ اسے سرسوں کے تیل میں پکایا جائے تو بہت اچھا ہے۔