بالی وڈ کنگ شاہ رخ خان نے اداکاری کو کبھی نہ خیرآباد کہنے کا اعلان کر دیا۔
سماجی رابطوں کی ویب سائٹ ٹوئٹر پر ’آسک ایس آر‘ کے ہیش ٹیگ کے ساتھ بنائے گئے سوالات کے سیشن میں ایک صارف نے ان سے پوچھا کہ کہ ان کی ریٹائرمنٹ کے بعد بالی ووڈ میں کون بڑا اداکار بن کر ابھرے گا؟
جس کا جواب دیتے ہوئے شاہ رخ خان نے کہا کہ وہ کبھی ایکٹنگ سے ریٹائرمنٹ نہیں لیں گے۔
انہوں نے کہا کہ اگر کسی نے مجھے اداکاری کے شعبے سے نکال بھی دیا تب بھی میں پہلے سے زیادہ ’ نمایاں‘ انداز میں واپس آؤں گا۔
ان کی بلاک بسٹر فلم پٹھان کے سیکوئل سے متعلق سوال پر شاہ رخ خان نے کہا کہ ایسی جو بھی افواہیں چل رہی ہیں ان پر کان نہ دھریں۔ جب بھی اپنی نئی فلم لاؤں گا تو اپنے فینز کو خود اس کی اطلاع دوں گا۔