نئی دہلی: بھارتی فلمسٹار رنبیر کپور نے پاکستان میں کام کرنے سے متعلق کہا کہ ان کے بیان کو درست طریقے سے نہیں سمجھا گیا۔
رنبیر کپور نے ایک تشہیری مہم کے دوران کہا کہ میں کوئی متنازعہ بیان نہیں دینا چاہتا۔ ہمیں آرٹ کو عزت دینی چاہیئے لیکن کوئی آرٹ ملک سے بڑا نہیں ہوتا۔
انہوں نے اپنے پچھلے بیان سے متعلق کہا کہ میں اس وقت ایک فلم فیسٹیول میں تھا جہاں متعدد پاکستانی فلمساز موجود تھے اور وہ مجھ سے پوچھ رہے تھے کہ کیا میں ایک اچھی کہانی والے پاکستانی اسکرپٹ میں کام کرنا چاہوں گا۔
یہ بھی پڑھیں:
بھارتی اداکار کا کہنا تھا کہ سینما کی کوئی سرحد نہیں ہوتی اور میں متعدد پاکستانی فنکاروں راحت فتح علی خان اور عاطف اسلم کو جانتا ہوں جو بھارتی سینما میں اپنا کردار ادا کر رہے ہیں۔
انہوں نے کہا کہ اگر کوئی تمھارے ملک کے ساتھ اچھے تعلقات میں نہیں ہے تو آپ کو اپنے ملک کو ترجیح دینی چاہیئے۔