نایاب اورسونے جیسا مہنگا پھل10 افراد کی جان لے گیا

image

نایاب اور مہنگے ترین پھل کی تلاش میں دس شکاری اپنی جان سے ہاتھ دھو بیٹھے۔

صحرائی علاقوں میں پائے جانے والے نایاب اور مہنگے ترین پھل کی تلاش میں گھومنے والے دس شکاری بارودی سرنگ دھماکے کا شکار ہو گئے۔

شام کے وسطی صحرائی علاقے السلمیہ میں ہونے والے بارودی سرنگ دھماکے میں دس افراد ہلاک اور دو زخمی ہو گئے۔ ہلاک اور زخمی ہونے والے السلمیہ میں زیر زمین اگنے والے دنیا کے مشہور اور نایاب پھل ٹرفل کو تلاش کر رہے تھے۔

یہ بھی پڑھیں: 

اس کی تلاش کے لئے تربیت یافتہ کتوں کی مدد بھی حاصل کی جاتی ہے، یہ افراد ٹرفل کی تلاش میں زیرزمین بچھی ایک بارودی سرنگ کی زد میں آ گئے۔

ٹرفل نایاب نسل کی مشروم ہے یہ ایک ایسا پھل ہے جسے پوری دنیا میں سونے کی قیمت سے بھی مہنگا سمجھا جاتا ہے۔ ٹرفلز اینٹی آکسیڈنٹس کا ایک بہت بڑا ذریعہ ہیں، ایسے مرکبات جو آزاد ریڈیکلز سے لڑنے اور آپ کے خلیات کو آکسیڈیٹیو نقصان کو روکنے میں مدد کرتے ہیں۔

اینٹی آکسیڈنٹس انسانی صحت کے بہت اہم ہیں اور اس کا تعلق دائمی حالات جیسے کینسر، دل کی بیماری اور شوگر کے کم خطرے سے بھی ہو سکتا ہے۔

ماہرین کے مطابق ٹرفل گرج چمک کے موسم میں کثرت سے نکلتے ہیں، یہ نایاب نوعیت کی کھمبی ہوتی ہے جو اکیلی اگتی ہے اور اسے مصنوعی طریقے سے کاشت کرنا مشکل ہو تا ہے اور ان کی شیلف لائف بھی بہت مختصر ہوتی ہے۔


News Source   News Source Text

مزید خبریں
عالمی خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.