سوشل میڈیا پر ایک ویڈیو وائرل ہے جس میں انڈیا میں ہونے والی وزرائے خارجہ کی جی20 کانفرنس میں شرکت کے لیے آنے والی جرمن وزیر خارجہ کو جہاز سے اکیلے پروٹوکول کے بغیر اترتے دیکھا جا سکتا ہے۔اخبار انڈین ایکسپریس کے مطابق جرمن وزیر خارجہ اینیلینا بیئربوک کے جہاز سے اترنے کے بعد نہ ہی ریڈ کارپٹ بچھایا گیا اور نہ ہی انہیں خوش آمدید کہنے کے لیے انڈین حکام موجود تھے۔انڈیا پر الزام لگایا جا رہا ہے کہ اس نے جرمن وزیر خارجہ کو دنیا کے باقی وزرائے خارجہ کی طرح اہمیت نہیں دی۔دوسری طرف انڈیا میں جرمنی کے سفیر فلپ ایکرمین نے کہا کہ اس میں انڈیا کا کوئی قصور نہیں تھا بلکہ وہ اپنی مرضی سے بغیر پروٹوکول کے جہاز سے اتریں۔پروٹوکول کیا ہے؟انڈیا میں پروٹوکول یہ ہے کہ جب کوئی وزیر خارجہ اپنے سرکاری جہاز پر آتا ہے تو اس کے لیے ریڈ کارپٹ بچھایا جاتا ہے اور خوش آمدید کہنے کے لیے افسران ایک قطار میں کھڑے ہوتے ہیں۔ اگر جہاز کی آمد میں تاخیر ہو تو آدھے گھنٹے تک انتظار کیا جاتا ہے۔حقیقت میں کیا ہوا؟انڈیا میں جرمنی کے سفیر فلپ ایکرمین نے وضاحت دیتے ہوئے کہا کہ ’جرمن وزیر خارجہ کو پروٹوکول اس لیے نہیں دیا جا سکا کیونکہ وہ وقت سے پہلے ہی انڈیا پہنچ گئی تھیں اور اس وقت انتظامات نہیں کیے گئے تھے اور انہیں جہاز میں بیٹھ کر انتظار کرنے کا کہا گیا۔‘Warm welcome for Germanys foreign minister in India. pic.twitter.com/ubaP5ot3Yh
— Zlatti71 (@djuric_zlatko) March 3, 2023
ان کے مطابق ’جرمن وزیر خارجہ نے جہاز میں ناشتہ کیا اور پھر پروٹوکول کے بغیر ہی جہاز سے اترنے کا فیصلہ کیا۔‘’اس میں انڈیا کا کوئی قصور نہیں تھا، جرمن وزیر خارجہ پروٹوکول کی شوقین نہیں ہیں اس لیے انہوں نے اس کے بغیر ہی جہاز سے اترنے کا فیصلہ کیا۔‘