بالی وڈ اداکار اور ہدایت کار ستیش کوشک 66 سال کی عمر میں چل بسے۔انڈین ایکسپریس کے مطابق ستیش کوشک کی وفات بدھ کو نئی دہلی میں ہوئی جہاں گاڑی چلاتے ہوئے انہیں دل کا دورہ پڑا۔ ان کی میت جمعرات کو ممبئی لائی جائے گی۔ستیش کوشک 13 اپریل 1956 کو پیدا ہوئے اور انہوں نے کئی مشہور ہندی فلموں میں کام کیا جن میں ’رام لکھن‘، ’جانے بھی دو یارو‘ اور ’مسٹر انڈیا‘ جیسی مشہور فلمیں شامل ہیں۔ستیش کوشک نے کئی فلموں کی ڈائریکشن کے فرائض بھی سرانجام دیے جن میں ’روپ کی رانی چوروں کا راجہ‘، ’پریم‘، ’ہم آپ کے دل میں رہتے ہیں‘ اور ’تیرے نام‘ قابل ذکر ہیں۔ان کی موت کی خبر پر فلم انڈسٹری صدمے میں ہے اور کئی افراد نے تعزیت کی ہے۔ستیش کے دیرینہ دوست اور ساتھی مشہور اداکار انوپم کھیر نے ایک ٹویٹ میں اپنے دکھ کا اظہار کرتے ہوئے کہا کہ ’میں جانتا ہوں کہ موت اس دنیا کی آفاقی سچائی ہے لیکن میں نے کبھی اپنے خوابوں میں بھی نہیں سوچا تھا کہ مجھے اپنی زندگی میں یہ سب اپنے بہترین دوست ستیش کوشک کے حوالے سے لکھنا پڑے گا۔‘’45 برس کی دوستی پر ایسے اچانک سے فل سٹاپ! ستیش تمہارے بغیر زندگی اب ویسی نہیں ہو گی۔‘जानता हूँ “मृत्यु ही इस दुनिया का अंतिम सच है!” पर ये बात मैं जीते जी कभी अपने जिगरी दोस्त #SatishKaushik के बारे में लिखूँगा, ये मैंने सपने में भी नहीं सोचा था।45 साल की दोस्ती पर ऐसे अचानक पूर्णविराम !! Life will NEVER be the same without you SATISH ! ओम् शांति! pic.twitter.com/WC5Yutwvqc
— Anupam Kher (@AnupamPKher) March 8, 2023
اداکارہ کرینہ کپور بھی ستیش کوشک کی اچانک موت سے دل گرفتہ نظر آئیں۔ انہوں نے انسٹاگرام پر لکھا کہ ’مجھے کچھ کہنا ہے، ملیں گے ملیں گے۔ یہ بہت دل توڑنے دینے والی بات ہے ستیش جی----ہمارے اکٹھے گزرنے والے وقت کو یاد کر کے۔‘سنیل شیٹھی کا اپنے ٹویٹ میں کہنا تھا کہ ’آج ہم نے فلم انڈسٹری کی ایک بہترین شخصیت کو کھو دیا ہے۔ ان کی یاد ان تمام لوگوں کے لیے ایک نعمت ہو گی جو انہیں جانتے اور پیار کرتے تھے۔ لواحقین سے دلی تعزیت۔‘Today, we've lost one of the finest of the film industry. His memory will be a blessing to all those who knew and loved him. Heartfelt condolences to the family. #RestInPeace #SatishKaushik pic.twitter.com/3UWxP4cOb5
— Suniel Shetty (@SunielVShetty) March 9, 2023
اداکارہ نہیا دھوپیا نے بھی اپنے ٹویٹ میں ستیش کوشک کی موت پر افسوس کا اظہار کرتے ہوئے کہا کہ ’سینما اور قہقوں کے لیے شکریہ۔ آپ کی روح کو سکون ملے کوشک جی۔‘Thank you for the cinema , thank you for the laughs … rest in peace Satish Kaushik ji ….
My love and strength to the family … #gonetoosoon pic.twitter.com/uvcYt1eL4A
— Neha Dhupia (@NehaDhupia) March 9, 2023