مکیش امبانی کا نام دنیا بھر میں مشہور ہے۔ دکھنے میں تو وہ ایک عام اور سادہ سے انسان نظر آتے ہیں مگر پیسہ اتنا ہے کہ روزانہ کروڑوں بھی خرچ کریں تو کوئی کمی نہ ہو۔
ہماری ویب ڈاٹ کام میں آپ کو بھارت کے مالدار ترین شخص اور ریلائنس انڈسٹریز لمیٹڈ (آر آئی ایل) کے مالک مکیش امبانی سے متعلق حیرت انگیز معلومات فراہم کریں گے۔
مکیش امبانی کے ساتھ کام کرنے والے بھی دولت مند کہلاتے ہیں۔ ان کے نوکر، ڈرائیور اور دیگر ملازمین کی تنخواہیں بھی لاکھوں میں ہوتی ہیں۔
لیکن مکیش امبانی کے شیف کی تنخواہ کتنی ہے کیا آپ لوگ جانتے ہیں؟
بھارتی میڈیا رپورٹس کے مطابق مکیش امبانی کے شیف ان کی رہائش گاہ اینٹیلیا میں کام کرتے ہوئے ماہانہ 2 لاکھ روپے سے زائد کماتے ہیں۔
گھر میں کام کرنے والے ملازمین کو مکیش ماہانہ تنخواہ دینے کے علاوہ انشورنس اور ٹیوشن ری ایمبرسمنٹ بھی فراہم کرتے ہیں۔ رپورٹ میں یہ بھی دعویٰ کیا گیا ہے کہ ان کے گھر میں عملے کے کچھ ارکان اپنے بچوں کو بیرون ملک تعلیم حاصل کرنے کے لیے بھیجتے ہیں۔
مکیش امبانی بغیر کسی رکاوٹ کے اپنی نجی زندگی کو اچھا اور مثبت رکھنے کے لیے اپنے عملے کو بھرپور انداز سے سپورٹ کرتے ہیں۔