یورپ میں نفرت انگیز پروپیگنڈے کے باوجود اسلام تیزی سے پھیلتا جارہا ہے، اہل مغرب اسلام کے خلاف جتنا پروپیگنڈا کرتے ہیں، اتنا ہی زیادہ لوگ اسلام کی جانب متوجہ ہوکر اسلام قبول کر لیتے ہیں، حال ہی میں جرمنی میں بھی ایک خاندان نے اسلام قبول کرلیا ہے۔
سوشل میڈیا پر وائرل پوسٹ کے مطابق ماہ رمضان میں جرمن میں میاں بیوی سمیت چار بچے مشرف بہ اسلام ہوئے۔ جرمنی سے برادر احمد الھواس کا کہنا ہے کہ کل ہم جیسے ہی سلام پھیر کر نماز جمعہ سے فارغ ہوئے تو کسی نے مسجد کا دروازہ زور سے بجانا شروع کیا۔
دروازہ کھول کر دیکھا تو ایک فیملی کھڑی ہے۔ میاں بیوی اور 4 بچے۔ لباس مسلمانوں کا۔ انہوں نے کہا کہ ہم اسلام قبول کرنے آئے ہیں۔ سنتوں کے بعد امام صاحب نے انہیں کلمہ پڑھا دیا اور یہ پوری جرمن فیملی اسلام میں داخل ہوگئی۔
واضح رہے کہ مغربی دنیا میں جہاں ایک جانب اسلام مخالف مہم زوروں پر ہے وہاں یورپ کے مسلمانوں نے ایک نئی مہم شروع کی ہے، جس کے تحت طویل عرصے سے بند گرجا گھروں کو مساجد میں تبدیل کرنے کی ایک نئی مہم جاری ہے۔
یہ ایک حقیقت ہے کہ اسلام کی پراثر تعلیمات کی وجہ سے مسلمانوں کی تیزی سے بڑھتی ہوئی تعداد کے خوف سے اہل مغرب اسلام کے خلاف محاذ سنبھالے بیٹھے ہیں لیکن ان کو ہمیشہ منہ کی کھانی پڑی ہے اور ہر بار اسلام کے خلاف ان کے پروپیگنڈے کا فائدہ مسلمانوں کو ہی ہوتا ہے۔