“میں نے کبھی مجبوری میں کام نہیں کیا یہ آپ کی گندی سوچ ہے۔ جتنا بھی کام کیا اپنی مرضی اور خوشی سے کیا ہے۔ میں عمران خان کی گاڑی کے پیچھے کام مانگنے نہیں جاتی“
بظاہر ہنستے ہوئے کہے گئے یہ الفاظ ماضی کی اداکارہ مشی خان کے ہیں جو ایک بار پھر ہائی کورٹ کے باہر سابق وزیر اعظم کی گاڑی کے پیچھے دوڑتی ہوئی پائی گئی تھیں۔ سوشل میڈیا پر ویڈیو وائرل ہوتے ہی لوگوں نے مشی خان پر طنز اور تنقید کے ڈونگرے برسانے شروع کردیے۔ جس کا جواب مشی نے ویڈیو پیغام کے ذریعے دے دیا ہے۔
مشی کہتی ہیں کہ اگر کوئی مجھے پاگل کہتا ہے تو ہاں میں پاگل ہوں اور یہ پاگل پن اچھا ہے۔ یہ میرا جذبہ ہے۔ جو لوگ میرا مذاق اڑاتے ہیں انھیں چیلنج کرتی ہوں کہ آئیں اور مییرے ساتھ دوڑ لگائیں۔ میں جم جاتی ہوں میری فٹنیس ہے آپ لوگوں کی طرح سارا دن صوفے پر نہیں پڑی رہتی۔
واضح رہے کہ مشی خان کی عمران خان کی گاڑی کے پیچھے بھاگتے ہوئے اس سے پہلے بھی ایک ویڈیو وائرل ہوچکی ہے۔ عوام نے مشی کے اس عمل پر کافی تنقید کی تھی۔