ترکیہ میں صدارتی اور پارلیمانی انتخابات میں ووٹوں کی گنتی جاری، 80فیصد گنتی میں صدررجب طیب اردوان 50.66 فیصد ووٹ لیکر آگے ، جیت کے امکانات روشن ہوگئے۔
ترکیہ کے اعلیٰ انتخابی بورڈ کے سربراہ نے انتخابی نتائج کی اشاعت پر عائد پابندی اٹھاتے ہوئے سرکاری نتائج کا اعلان کرنے تک انتظار کا کہا تھا۔
قبل از انتخاب ہونے والے پولز میں کلیچ دار اوغلو کو برتری حاصل کر دی تھی، جو اردگان کے دو دہائیوں پر محیط بیشتر اقدامات کو واپس لینے کا عہد کرتے ہیں۔
آج صدارتی اور پارلیمانی انتخابات کیلئے ووٹنگ کا عمل صبح 8 بجے شروع ہوا جبکہ ووٹنگ مقامی وقت کے مطابق شام 5 بجے پولنگ تک جاری رہی۔
صدررجب طیب اردوان کے مخالف امیدوار کمال قلیچ دار اوغلو 43.53 فیصد ووٹوں کے ساتھ دوسرے نمبر ہیں جبکہ تیسرے امیدوار سنان اوغان اب تک 5.32 فیصد ووٹ لے سکے ہیں، صدر اردوان اور کمال قلیچ کے درمیان 7فیصد کا فرق ہے تاہم 20فیصد کے نتائج کے بعد مقابلہ سخت بھی ہوسکتا ہے۔