اس معاشرے میں گھریلو جھگڑے سب سے زیادہ ہوتے ہیں۔ ٹی وی ڈراموں میں بھی یہی دیکھایا جاتا ہے کہ جس دن سے لڑکی شادی کر کے پیا گھر آئی اسی دن سے ساس سے تلخ کلامی اور لڑائیاں ہوتی ہیں۔ مگر ایک ساس بہو کی جوڑی ایسی بھی ہے جن کی کہانی آپ کی آنکھوں میں آنسو لے آئیں گی۔
بیٹے کی شادی کر کے 70 سالہ شانتی شرما گھر ایک خوبصورت بہو شانستی کو لے آئی۔ شادی کے تقریباََ 10 سال شانتی بالکل تندرست رہی مگر جون 2015 کے ایک افسوسناک دن گھر والوں کو یہ بتایا گیا کہ آپ کی بہو کے گردے خراب ہو چکے ہیں۔ جس کیوجہ سے وہ ہمیشہ بیمار رہتی ہے۔ اب اس کا ایک ہی حل ہے کہ کوئی اسے اپنا گردہ عطیہ کر دے۔
تو بس پھر کیا تھا یہ سننے کی دیر تھی کہ 49 سالہ شانتی شرما کی جان بچانے کیلئے سارا سسرال ہی بیماری کے آگے دیوار بن کر کھڑا ہو گیا اور کہنے لگاکہ ہمارا گردہ آپ ڈاکٹر صاحب لے لیجئے۔
اس صورتحال میں ساس کیسے پیچھے رہتی؟ انہوں نے کہا آپ سب رہنے دو میں دوں گی گردہ۔ کیونکہ بڑے پیار اور ارمانوں سے بہو کو گھر لائی تھی ،یہ تو میری بیٹی کی طرح ہے۔
پھر یوں ہی ہوا کچھ دنوں بعد ساس نے بہو کو اپنا ایک گردہ عطیہ کر دیا۔ آج بھی یہ دونوں ساس بہو بالکل صحت مند زندگی گزار رہی ہیں۔ لہذٰا اس بات سے یہ ثابت ہوتا ہے کہ لوگوں میں یہ جو وہم پایا جاتا ہے کہ گردہ عطیہ کرنے سے انسان کی اپنی صحت خراب ہو جاتی ہے، اس میں کوئی سچائی نہیں۔