دنیا میں ہمیشہ سے یہی سنتے آئے ہیں کہ شادی کے دن دلہن گھر سے بھاگ گئی پر ایک ایسی لڑکی بھی دنیا میں ہے جس کے ڈر سے دولہا شادی سے پہلے بھاگ گیا اور دولہن اس کا پیچھے بھاگتی رہی ، آئیے دیکھتے ہیں پھر کیا ہوا؟
یہ انوکھا واقعہ بھارتی ریاست اتر پردیش کا ہے جہاں ہوا کچھ یوں کہ شادی سے کچھ دیر پہلے دولہا بھاگ گیا اور دوسری طرف دلہن ارمانوں سے تیار ہو کر گھر پر بیٹھی ہے۔ اس صورتحال میں یہ خبر لڑکی کے گھر پہنچی تو اس نے آگے پیچھے کچھ نہ دیکھا ۔ بس عروسی لباس میں دولہے کے پیچھے بھاگتی رہی۔
پھر بریلی شہر کی حدود سے باہر ایک پولیس اسٹیشن کے پاس جا کر لڑکے کو پکڑ ہی لیا جوکہ بس میں بیٹھ چکا تھا اور چاہتا تھا کہ شہر سے کہیں دور بھاگ جائے پر اس کوشش میں وہ بری طرح ناکام ہو گیا۔
آگے بڑھنے سے پہلے آپکو بتاتے چلیں کہ لڑکا لڑکا گزشتہ کئی سالوں سے ایک دوسرے کو جانتے تھے اور شادی کے وعدے بھی کر چکے تھے۔
مزید یہ کہ اب لڑکی زبردستی اپنے خوابوں کے دولہے کو لیے مندر میں داخل ہوئی اور سادگی سے شادی کر لی۔ اس موقعے پر لڑکے، لڑکی کے گھر والے اور قریبی رشتےدار موجود تھے۔ جبکہ سوشل میڈیا پر لوگ اس باہمت لڑکی کو سراہا رہے ہیں جس نے شادی کے لارے لگانے والے کو بھاگنے نہیں دیا۔