قطر ائیرلائن کی پرواز دوحہ سے منیلا جا رہی تھی کہ دوران پرواز خاتون مسافر کے ہاں بچے کی پیدائش ہوئی۔ سول ایوی ایشن اتھارٹی ذرائع کا کہنا ہے کہ پرواز کی لینڈنگ کے بعد وزارت صحت کے حکام نے زچہ اور بچہ کو نجی اسپتال منتقل کر دیا۔ 33 سال کی غیر ملکی خاتون مسافر کا نام ہر موسیلو ہے، ماں اور بچہ دونوں صحت مند ہیں۔
حاملہ خاتون کی جان بچانے کے لیے عملہ کیا کرتا ہے؟
حاملہ خواتین کی جہاز میں موجودگی کی اطلاع پہلے سے دی جاتی ہے تاکہ ہنگامی صورتحال میں فوری زچگی کا انتظام کیا جا سکے۔ ایک ڈاکٹر جہاز میں پہلے سے موجود ہوتی ہیں جن کا کنٹرول روم میں موجود طبی عملے سے رابطہ رہتا ہے وہ بروقت حاملہ خواتین کی دیکھ بھال کرکے ان کی جان بچانے میں اہم کردار ادا کرتی ہیں۔