سردی کی ٹھنڈی راتوں میں سونے سے قبل جب تک مونگ پھلی نہ کھالیں، لطف نہیں آتا اور سب ہی خشک میوہ جات شوق سے کھانا پسند بھی کرتے ہیں۔ لیکن اس کو کھانے کے بعد پانی پینے سے منع کیا جاتا ہے کیونکہ گلے میں خراش اور کھانسی کی شکایت ہو جاتی ہے۔
یہ ایک عام بات ہے جو ہم سب بچپن سے اپنے بڑوں سے سن رہے ہیں مگر اس بات میں کتنی صداقت ہے یہ کسی کو معلوم نہیں ہے۔
این ڈی ٹی فوڈ ویب سائٹ کے مطابق مونگ پھلی کی تاثیر گرم ہوتی ہے اور اس کو کھآنے کے بعد جسم میں حرارت اور گرمی زیادہ لگنے لگتی ہے جس کی وجہ سے پیاس کی شدت میں اضافہ ہو جاتا ہے اور اس لیئے اکثر لوگ پانی پینا چاہتے ہیں، مگر برصغیر میں اس بات کو غلط سمجھا جاتا ہے کہ مونگ پھلی کھانے کے بعد پانی نہ پیئیں، دراصل اس بات کا کوئی سائنسی اور ڈاکٹری ثبوت موجود نہیں ہے۔
لہٰذا آپ مونگ پھلی کھانے کے بعد پانی پی سکتے ہیں، مگر صرف احیتاط یہ کریں کہ پانی سادہ ہو، کیونکہ ٹھنڈا پانی ویسے ہی ہمارے گلے خراب کرنے کی وجہ بنتا ہے۔
ماہرینِ حکمت کے مطابق مونگ پھلی کی گری خشک ہوتی چونکہ اس میں تیل موجود ہوتا ہے، اس لیے اس کو کھانے کے بعد پانی پینے سے پیاس لگ جاتی ہے اور ہماری غذائی نالی میں چربی جمع ہوجاتی ہے جو گلے میں خراش اور کھانسی کا باعث بنتی ہے، لیکن پانی پینے سے کھانسی یا گلے میں خراش نہیں ہوتی۔