اسلام آباد۔3مئی (اے پی پی):وفاقی وزیر قانون و انصاف سینیٹر اعظم نذیر تارڑ نے پاکستان کے چاند پر پہلے سیٹلائٹ مشن کی کامیاب لانچنگ پر قوم کو مبارکباد دی ہے۔ وزارت قانون و انصاف کی جانب سے جمعہ کو ایکس پر کی گئی پوسٹ میں کہا گیا ہے کہ وزیر قانون نے پاکستان انسٹیٹیوٹ آف سپیس ٹیکنالوجی، سپارکو اور چین کی قومی سپیس انتظامیہ کو بھی مبارکباد دی اور امید ظاہر کی کہ اس سے آئندہ خلائی تحقیقات میں بھی نمایاں کامیابیاں حاصل ہوں گی۔ پوسٹ میں وزیر قانون و انصاف کی جانب سے اردو اور انگریزی زبانوں میں مبارکباد کا پیغام شیئر کیا گیا ہے۔