اسلام آباد۔7جون (اے پی پی):پاکستان پیپلز پارٹی کے نو منتخب رکن قومی اسمبلی سید علی قاسم گیلانی نے کہا ہے کہ بجٹ میں نوجوانوں کو امید دلانے کی ضرورت ہے، ملک میں آئی ٹی ایمرجنسی نافذ کی جائے۔ جمعہ کو قومی اسمبلی میں نو منتخب رکن سید علی گیلانی نے کہا کہ میں صدر آصف علی زرداری، پیپلز پارٹی کے چیئرمین بلاول بھٹو زردرای اپنے والد سید یوسف رضا گیلانی، محمد نوازشریف، وزیراعظم شہباز شریف سمیت اپنے حلقہ کے عوام کا شکریہ ادا کرتا ہوں۔
یہ میرے والد سید یوسف رضا گیلانی کی نشست ہے، ملتان کے عوام نے جھوٹے پراپیگنڈے اور نفرت کی سیاست کی بجائے ترقی اور خوشحالی کے راستہ کو چنا ہے، ہم اپنے حلقہ کی آواز اٹھاتے رہیں گے ہمیں اپنے نوجوانوں کو بجٹ سے ایک امید دلانے کی ضرورت ہے ملک میں آئی ٹی ایمرجنسی نافذ کی جائے۔