ایبٹ آباد۔ 07 جون (اے پی پی):نو تعینات ڈسٹرکٹ ایمرجنسی آفیسر ریسکیو 1122 ہری پور نے اپنے عہدے کا چارج سنبھال لیا۔ نو تعینات آفیسر رفیع اللہ خان نے جمعہ کے روز اپنے عہدے کا چارج سنبھالا۔ضلعی دفتر پہنچنے پر ریسکیو کے چاق و چوبند دستے نے اُنہیں سلامی پیش کی،بعد ازاں اُنہوں نے سٹیشن 11،کنٹرول روم،سٹور روم اور ضلعی دفتر کی مختلف سیکشنز کا دورہ کیا۔
اس موقع پر سٹیشن ہاؤس انچارج نے اُنہیں تفصیلی بریفننگ بھی دی۔نوتعینات ڈسٹرکٹ ایمرجنسی آفیسر نے کہا کہ عوام کو بروقت اور معیاری سہولیات کی فراہمی ہماری اولین ترجیح ہے جس کے لیے ہر ممکن وسائل بروئے کار لائے جائیں اور کسی قسم کی کوتاہی نہ برتی جائے۔