مہنگائی سے پریشان پاکستانیوں کیلئے بری خبر ، عالمی مالیاتی فنڈ (آئی ایم ایف) نے ایک بار پھر بجلی کے نرخوں میں اضافے کا مطالبہ کر دیا۔
ذائع کے مطابق 10 جولائی سے پہلے بجلی 5 روپے فی یونٹ مہنگی کی جا سکتی ہے، ورچوئل بات چیت کے دوران آئی ایم ایف کو مشکل فیصلے سے آگاہ کیا گیا، آئی ایم ایف کو گیس قیمتوں میں اضافے کے اقدامات پر بریفنگ دی گئی ہے۔
آئی ایم ایف سے طویل المدتی معاہدہ کرنے جا رہے ہیں ، نان فائلر کی اختراع ختم کر دینگے ، وزیر خزانہ
وزارت خزانہ کے ذرائع کا کہنا ہے کہ آئی ایم ایف نے معیشت کی بہتری کیلئے کئے گئے اقدامات پر اطمینان کا اظہار کیا ہے، نئے قرض پروگرام پر اہم پیشرفت رواں ماہ کے اختتام تک متوقع ہے۔
ذرائع نے مزید بتایا کہ نئے قرض پروگرام پر سٹاف لیول مذاکرات مئی میں بھی ہوئے ہیں، مئی سے اب تک پاکستان نے بیشتر پیشگی اہداف حاصل کر لیے ہیں۔