بارباڈوس میں پھنسی انڈین کرکٹ ٹیم کو واپس لانے ایئر انڈیا کی خصوصی فلائٹ

image

ویسٹ انڈیز کے جزیرے بارباڈوس میں سمندری طوفان کے دوران انڈین کرکٹ ٹیم کو وطن واپس لانے کے لیے ایئر انڈیا کی خصوصی پرواز پہنچ گئی ہے۔

خبر رساں ایجنسی اے این آئی کے مطابق یہ خصوصی پرواز انڈیا کی کرکٹ ٹیم کے کھلاڑیوں کو وطن واپس لائے گی۔

ویسٹ انڈیز کے جزائر میں چوتھے درجے کے سمندری طوفان ’بیرل‘ کی وجہ سے انڈیا کی کرکٹ ٹیم ورلڈ کپ 2024 جیتنے کے بعد بارباڈوس میں پھنس گئی ہے۔

انڈیا کے کرکٹ بورڈ کی جانب سے کوچز، کرکٹرز اور ان کے اہل خانہ کی وطن واپسی کے لیے ایئر انڈیا کی خصوصی پرواز کا انتظام کیا گیا۔

سمندری طوفان بیرل نے بارباڈوس کے ہوائی اڈوں کو مکمل طور پر بند کر دیا تھا، جہاں سنیچر کو ورلڈ کپ کا فائنل ہوا تھا۔

ایک دلچسپ مقابلے کے بعد اس فائنل میں انڈین ٹیم نے جنوبی افریقہ کو شکست دے کر ٹی20 ورلڈ کپ کی ٹرافی جیت لی۔

توقع ظاہر کی جا رہی ہے کہ ورلڈ کپ ٹرافی کے ساتھ انڈیا کی کرکٹ ٹیم جمعرات کو نئی دہلی پہنچے گی۔

سمندری طوفان کی وجہ سے پھنس جانے والے کھلاڑیوں کے لیے انڈین کرکٹ بورڈ کے سیکریٹری جے شاہ نے خصوصی چارٹرڈ پرواز کا انتظام کیا۔

ٹیم کے کھلاڑیوں، ان کے اہل خانہ، کوچز اور انڈیا کے سپورٹس صحافی فائنل کے فوراً بعد اپنے ہوٹلوں تک محدود ہو گئے تھے کیونکہ بارباڈوس نے سمندری طوفان بیرل کی وجہ سے کرفیو نافذ کر دیا تھا۔

شہر میں پانی اور بجلی کی فراہمی بھی متاثر ہوئی ہے۔

انڈیا کی سپورٹس جرنلسٹ سنجنا گنیسن نے پیر کو بارباڈوس سے انسٹاگرام پر ایک سٹوری شیئر کی جس میں وہ اپنے شوہر جسپریت بمراہ کو اپنے ہوٹل کی کھڑکی سے باہر سمندر کی طرف دیکھتے ہوئے دکھا رہی ہیں۔


News Source   News Source Text

مزید خبریں
کھیلوں کی خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.