انسٹاگرام نے حال ہی میں آڈیو ٹریکس کے شوقین صارفین کے لیے ایک نیا خصوصی فیچر متعارف کروایا ہے، جس کے تحت صارفین اب ایک ہی ریل میں ایک سے زیادہ موسیقی کے ٹریک شامل کر سکتے ہیں۔
اس حوالے سے ٹیک جائنٹ نے اس اپ ڈیٹ کا اعلان خود پلیٹ فارم پر کیا اور بتایا کہ ریلز میں ملٹی آڈیو ٹریکس کی خصوصیت صارفین کو ایک ریل میں 20 تک ٹریک شامل کرنے کی اجازت دے گی۔
غیر ملکی خبر رساں ادارے کی رپورٹ کے مطابق انسٹاگرام کے سربراہ ایڈم موسیری نے اس خصوصیت کے بارے میں پلیٹ فارم پر بتایا کہ آپ ایک ہی ریل میں 20 تک آڈیو ٹریک شامل کر سکتے ہیں، جو آپ کو اپنے مواد کے ساتھ زیادہ تخلیقی آزادی فراہم کرے گا۔
اس زبردست نئے فیچر کو استعمال کرنے کیلئے صارف کو ریل ایڈیٹر میں ایڈ ٹو مکس آپشن پر کلک کرنا ہوگا۔
انسٹاگرام کا کہنا ہے کہ اس نئے فیچر سے صارفین ایک سنگل ریل میں اب 20 تک ٹریکس شامل کر سکتے ہیں۔
اس فیچر میں ایک مرتبہ ٹریکس ایڈ کرنے کے بعد صارف کے پاس یہ اختیار ہو گا کہ وہ صرف وہی حصہ کاٹ کر شامل کرے ،جو وہ چاہتا ہے۔
یوں کمبائنڈ ٹریک کو اسی کریٹر سے منسوب کر دیا جائے گا، تاکہ ان کے فینز اس یونیک مکس کو دوبارہ استعمال کرسکیں۔
انسٹا گرام کے مطابق ریلز میں ملٹی ٹریک آڈیو کی لانچنگ کریٹرز کی تخلیقی صلاحیتوں کو مزیدبڑھائے گی اور وہ اپنی تخلیقی صلاحیتوں کا اظہار کر سکیں گے۔
اس نئے فیچر کی بدولت اب صارفین کو ایک سے زیادہ ٹریکس کو ملانے اور پھر اپنی کلپس پر لگانے کیلئے دوسرے ایڈیٹر کو استعمال کرنے کی ضرورت نہیں پڑے گی۔