افریقی ملک کانگو میں مرکزی جیل توڑنے کی کوشش میں 129 قیدی ہلاک اور درجنوں زخمی ہو گئے۔
غیر ملکی خبر ایجنسی کے مطابق حکام کا کہنا ہے کہ دارالحکومت کنشاسا کی مکالا جیل سے فرار ہونے کی کوشش کے دوران زیادہ تر ہلاکتیں تر بھگدڑ مچنے سے ہوئیں۔
ہیٹی ، مسلح گروہوں کا جیل پر حملہ ، 4 ہزار قیدی فرار ، فائرنگ سے 4 پولیس اہلکار ہلاک
کانگو کے وزیرِ داخلہ کا کہنا ہے کہ ابتدائی تحقیقات کے مطابق 24 قیدی انتباہی گولیوں سے بھی مارے گئے جبکہ 59 قیدی زخمی ہیں جن کا علاج مقامی اسپتال میں ہو رہا ہے۔
وزیر داخلہ کا کہنا ہے کہ جیل سے فرار ہونے کی کوشش کے دوران خواتین کی عصمت دری کے کچھ واقعات بھی رپورٹ ہوئے ہیں ، مکالا جیل میں 15 سو قیدیوں کی گنجائش ہے، لیکن جیل میں 12 ہزار سے زیادہ قیدی رکھے گئے ہیں۔