ویرات کوہلی کرکٹ کی 147 سالہ تاریخ بدلنے کو تیار، بھارت کے معروف کرکٹر سچن ٹنڈولکر کے سب سے بڑے ریکارڈ سے ویرات کوہلی محض 58 رنز دور ہیں۔
میڈیا رپورٹس کے مطابق بنگلادیش کیخلاف ٹیسٹ سیریز میں سابق بھارتی کپتان ویرات کوہلی کے پاس لیجنڈری کرکٹر سچن ٹنڈولکر کا اہم ریکارڈ توڑنے کا موقع ہے۔
کوہلی کو اس سیریز میں بین الاقوامی کرکٹ میں سچن ٹنڈولکر کے کرکٹ میں 27 ہزار رنز مکمل کرنے کے لئے محض 58 رنز درکار ہیں، ٹنڈولکر بین الاقوامی کرکٹ میں سب سے تیز 27,000 رنز مکمل کرنے والے کھلاڑی ہیں۔
وکٹ کیپرمحمد رضوان کو ڈرائیونگ لائسنس جاری
انہوں نے یہ اعزاز 623 اننگز (یعنی 226 ٹیسٹ اننگز، 396 ون ڈے اور ایک ٹی20 اننگ) میں اپنے نام کیا تھا،دوسری جانب ویرات کوہلی نے اب تک تمام فارمیٹس میں 591 اننگز کھیل کر 26 ہزار 942 رنز بنارکھے ہیں۔
اگر کوہلی اگلی 8 اننگز میں میں مزید 58 رنز بنالیتے ہیں تو وہ سب سے کم اننگز میں 27 ہزار رنز بنانے کا اعزاز بھی حاصل کرلیں گے جبکہ لیجنڈری بلے باز کو بھی پیچھے چھوڑ دیں گے۔
کوہلی بین الاقوامی کرکٹ کی 147 سالہ تاریخ میں 600 سے کم اننگز میں 27,000 رنز تک پہنچنے والے پہلے کرکٹر بن جائیں گے، اب تک ٹنڈولکر کے علاوہ آسٹریلیا کے رکی پونٹنگ اور سری لنکا کے کمار سنگاکارا نے انٹرنیشنل کرکٹ میں 27,000 سے زائد رنز بنارکھے ہیں۔