"میرے بیٹے کو ورون دھون بہت پسند ہے، اس کی ضد پر ہم نے دبئی میں ملاقات کا انتظام کیا۔ سعود نے کہا تھا کہ وہ ایک اسٹار ہیں اور تصاویر بنوانا پسند نہیں کریں گے، لیکن بھارتی اداکاروں نے انہیں دیکھ کر کہا، 'آپ کے شوہر سے بھی ملوانا،' اور پھر جب سعود باہر نکلے، مداحوں نے انہیں گھیرا۔ بھارتی اداکار حیران رہ گئے۔"
جویریہ سعود نے حالیہ انٹرویو میں اپنی زندگی کا ایک دلچسپ اور حیران کن قصہ شیئر کیا، جس نے سوشل میڈیا پر ہلچل مچا دی۔ متحدہ عرب امارات میں بولی وڈ اسٹارز کے ساتھ ملاقات کے قصے میں، جویریہ نے بتایا کہ ان کا بیٹا ورون دھون کا بڑا فین ہے، جس کی فرمائش پر وہ دبئی میں اس کی ملاقات کروانے لے گئیں۔
ان کا کہنا تھا کہ شوہر سعود، جو خود ایک مقبول اداکار ہیں، پہلے تصاویر بنوانے سے کتراتے رہے۔ لیکن جیسے ہی وہ بھارتی اداکاروں کی فرمائش پر باہر آئے، مداحوں نے انہیں گھیر لیا۔ یہ منظر دیکھ کر بولی وڈ اسٹارز بھی حیران ہو گئے کہ سعود کو دیکھتے ہی لوگ کیوں جمع ہوگئے۔
جویریہ نے بتایا کہ سعود کے مداحوں میں سرائیکی، پنجابی اور پٹھان بھی شامل تھے، جنہوں نے سعود کے ساتھ تصویریں بنوائیں۔ اس دوران بھارتی اداکاروں نے حیرانی سے کہا کہ، 'آپ کے شوہر تو ہم سے بھی بڑے اسٹار ہیں!' جویریہ نے شوخی سے بتایا کہ سعود، جو عزت خراب ہونے سے ڈر رہے تھے، اللہ نے انہیں اور زیادہ عزت دے دی۔