معروف اداکار میکال ذوالفقار بھارت میں پاکستانی فنکاروں کی پابندی بارے کہا ہے کہ ہم بالی ووڈ میں کام کرنے کیلئے مرے نہیں جارہے۔
میکال ذوالفقار نے ایک انٹرویو میں کہا کہ شاید ہم واقعی ایک بھارتی فلم انڈسٹری کیلئے نیوکلیئر بم ہیں جو ان پر پھٹ جائینگے، بھارتی انڈسٹری میں پاکستانی فنکاروں پر پابندی کو وہ مضحکہ خیز سمجھتے ہیں۔
کپل شرما کے شو میں صرف اپنی شرط پر واپس آیا، سدھو
انہوں نے کہا کہ کہ اگر وہ لوگ پاکستانی فنکاروں کو عزت سے بلائیں گے اور اچھے کردار کی آفر کریں گے تو سوچا جائے گا ورنہ بھارت کبھی بھی ایک پاکستانی فنکار کو مین کریکٹر نہیں دے گاجس کی ایک وجہ سیاسی حالات ہیں۔
ایک سوال پر اداکار نے کہا پاکستانی عوام کی اکثریت بالی ووڈ کی فلموں اور ستاروں کو اپنے ملک کی فلم اور ڈرامہ انڈسٹری کے مقابلے میں زیادہ اہمیت دیتے ہیں۔
انہوں نے مزید کہا کہ بلاشبہ بھارت میں بھی تنازعات ہوتے ہیں، برا کام ہوتا ہے لیکن وہاں ان منفی ایشوز کو اچھالا نہیں جاتا لیکن ہمارے یہاں یہ کام بخوبی ہوتا ہے۔