جاپان میں پولیس نے ایک ایسے شخص کو گرفتار کیا ہے جس نے اعتراف کیا ہے کہ وہ سٹریس یا ذہنی تناؤ کو کم کرنے کے لیے غیرروایتی طریقے سے ایک ہزار گھروں میں چوری چھپے داخل ہوئے۔
خبر رساں ایجنسی اے ایف پی کے مطابق بدھ کو پولیس نے بتایا کہ ایک 37 سالہ شہری کو پیر کو اُس وقت شک کی بنیاد پر حراست میں لیا گیا جب وہ جنوبی جاپان کے علاقے ڈازیفو میں وہ ایک گھر میں داخل ہوئے۔پولیس کے ترجمان نے اے ایف پی سے گفتگو میں تصدیق کی کہ گرفتار شہری نے لوگوں کے گھروں میں داخل ہونے کا اعتراف کیا ہے۔اخبار مینیچی شمبن کی ایک رپورٹ میں بتایا گیا ہے کہ گرفتار شخص نے کہا کہ ’دوسرے لوگوں کے گھروں میں داخل ہونا میرا مشغلہ ہے، اور میں ایک ہزار سے زائد گھروں میں چوری چھپے داخل ہوا۔‘رپورٹ کے مطابق گرفتار شخص نے بتایا کہ ’میں اتنا پرجوش ہو جاتا ہوں کہ میری ہتھیلیوں پر پسینہ آ جاتا ہے جب یہ سوچتے ہوئے کہ کوئی مجھے ڈھونڈ پائے گا یا نہیں، اور اس سے کچھ ذہنی تناؤ دور ہو جاتا ہے۔‘2019 تک کے اعداد وشمار کے مطابق جاپان میں 40 سے 49 سال کی عمر کے لوگوں میں تناؤ ذہنی تناؤ کی شرح زیادہ ہے اور لگ بھگ 50 فیصد مرد اس کی شکایت کرتے ہیں۔اسی طرح جاپان میں ذہنی تناؤ کی شکار خواتین میں سب سے زیادہ شرح 30 سے 49 سال کے گروپ میں ہے۔