ماہرہ خان کا فردوس جمال کے بارے میں نیا بیان سوشل میڈیا پر وائرل

پاکستانی شوبز کی خوبصورت اداکارہ ماہرہ خان نے فردوس جمال کے متنازعہ تبصرے پر دلچسپ ردعمل دیا ہے۔

ماہرہ خان ملک کی صف اول کی اداکارہ ہیں۔ وہ تقریباً 2 دہائیوں سے شوبز انڈسٹری سے وابستہ ہیں۔ اپنے کیریئر میں انہوں نے بہت کچھ دیکھا ہے۔

وہ فلمیں، ڈرامے اور لائیو شوز کر چکی ہیں اور ان سالوں میں انہیں کئی تنازعات کا سامنا کرنا پڑا ہے۔ لیکن انہوں نے برداشت کا دامن نہیں چھوڑا اور کبھی بھی گھٹیا انداز میں جواب نہیں دیا اور ایک غیر جانبدار آرٹسٹ کے طور پر اپنی پوزیشن برقرار رکھی ہے۔

حال ہی میں ماہرہ خان ایک ادبی میلے کی مہمان تھیں جہاں ان سے ریپڈ فائر راؤنڈ میں سوالات کیے گئے اور انہوں نے عمران خان، شاہ رخ خان اور ہمایوں سعید جیسے بڑے ناموں پر اپنے خیالات کا اظہار کیا۔ لیکن جب ان سے فردوس جمال سے متعلق کریدنے کی کوشش کی گئی تو انہوں نے محتاط رویہ اختیار کیا۔

ماہرہ خان نے کہا کہ فردوس جمال کے بارے میں کوئی تبصرہ نہیں کر سکتی کیونکہ وہ انہیں جانتی نہیں ہیں۔ میزبان کے استفسار کرنے پر ماہرہ نے ایک لمحے کے لیے توقف کیا اور پھر کہا کہ وہ ایک تجربہ اداکار ہیں لیکن میں انہیں نہیں جاتی ہوں اس لیے کوئی تبصرہ نہیں کر سکتی۔

فردوس جمال کچھ سالوں سے ماہرہ خان کے خلاف کئی بار عمر اور اداکاری پر تنقید کر چکے ہیں اورایک نجی چینل نے نے اس کے لیے اداکار پر پابندی بھی لگا دی تھی۔ انہوں نے ایک بار پھر ماہرہ خان پر ریمارکس دیئے اور اب ماہرہ نے اپنا بیان دے دیا ۔