بھارتی فلم انڈسٹری کے سپر اسٹار عامر خان نے بالی ووڈ کے خانز سلمان اور شاہ رخ خان کے ساتھ ایک فلم میں کام کرنے کی خواہش کا ظہار کر دیا۔
عامر خان کی ایک ویڈیو کلپ وئرل ہورہی ہے جس میں انہوں نے اس بارے میں بات کی اور کہا کہ وہ ایک مناسب کہانی کا انتظار کر رہے ہیں۔
حال ہی میں ہونے والے ایک فلم فیسٹیول میں گفتگو کرتے ہوئے عامر خان کا کہنا تھا کہ، "میرے خیال میں سلمان اور شاہ رخ بھی اس بات پر راضی ہیں اور انہوں نے کہا تھا کہ، 'ہم تینوں کو ایک ساتھ فلم ضرور کرنی چاہیے'۔ اس لیے میں پرامید ہوں کہ ایسا جلد ہوگا"۔
عامر خان کا کہنا تھا کہ، "تقریباً چھ ماہ پہلے شاہ رخ، سلمان اور میں ایک ساتھ تھے جب میں نے دوران گفتگو یہ موضوع اٹھایا تھا، اور شاہ رخ و سلمان سے کہا تھا کہ یہ بہت افسوسناک ہوگا اگر ہم تینوں کبھی ایک ساتھ کوئی فلم نہ کرسکے۔