شام میں جنگ پر نظر رکھنے والے عالمی ادارے (ایس او ایچ آر) کا کہنا ہے کہ ترکی کے حمایت یافتہ گروپوں اور کرد فورسز کے درمیان جاری لڑائی میں اتوار سے اب تک 31 جنگجو ہلاک ہو چکے ہیں۔
فرانسیسی خبر رساں ادارے ’اے ایف پی‘ کی رپورٹ کے مطابق سیرین آبزرویٹری فار ہیومن رائٹس نے کہا ہے کہ پیر کے روز صوبہ حلب کے شمال مشرقی علاقے منبج میں ہونے والی جھڑپوں میں ترکی نواز 7 جنگجو مارے گئے۔
شمالی شام کے بڑے حصے پر کردوں کی زیر قیادت انتظامیہ کا کنٹرول ہے، جس کی اصل فوج سیریئن ڈیموکریٹک فورسز (ایس ڈی ایف) نے اس لڑائی کی قیادت کی، جس نے 2019 میں امریکی حمایت سے ملک میں شدت پسند گروپ دولت اسلامیہ کو شکست دینے میں مدد دی تھی۔
ترکی نے ایس ڈی ایف کے اہم جزو پیپلز پروٹیکشن یونٹس (وائی پی جی) پر عسکریت پسند کردستان ورکرز پارٹی (پی کے کے) سے وابستہ ہونے کا الزام عائد کیا ہے، جسے واشنگٹن اور انقرہ دونوں ایک دہشت گرد گروپ سمجھتے ہیں۔
اگرچہ ہلاکتوں کی تعداد جاری ہے، لیکن پینٹاگون کا کہنا ہے کہ ترکی اور امریکا کی حمایت یافتہ کرد شامی افواج کے درمیان شمالی شام کے شہر منبج کے ارد گرد جنگ بندی جاری ہے۔