آئی سی سی چیمپئنز ٹرافی سے قبل سری لنکن بیٹر دیموتھ کرونارتنے نے انٹرنیشنل کرکٹ سے ریٹائرمنٹ کا اعلان کردیا۔
سری لنکا کے سابق کپتان اور اوپننگ بلے باز دیموتھ کرونارتنے نے آسٹریلیا کے خلاف جاری ٹیسٹ سیریز کے دوران منگل کو بین الاقوامی کرکٹ سے ریٹائرمنٹ کا اعلان کر دیا۔
سری لنکن بیٹر آسٹریلیا کے خلاف دوسرا ٹیسٹ کھیلیں گے جو ان کا 100 واں تیسٹ میچ ہوگا۔
انہوں نے کہا کہ پہلے ٹیسٹ کے بعد کرکٹ بورڈ کو آگاہ کردیا تھا کہ آسٹریلیا کے خلاف دوسرا ٹیسٹ میرا آخری میچ ہوگا۔
دیموتھ کرونارتنے نے کہا کہ یہ جانے کا صحیح وقت تھا اس بات پر غور کرتے ہوئے تین یا چار نوجوان کھلاڑی ہیں جو اگلے ورلڈ ٹیسٹ چیمپئن شپ کے لیے آسکتے ہیں۔
انہوں نے کہا کہ گال کا فائنل ٹیسٹ ان کے لیے اس لیے بھی خاص ہے کہ اسی میدان پر انہوں نے ڈیبیو کیا تھا۔
اپنے آخری ٹیسٹ کے ساتھ وہ سنتھ جے سوریا، متھیا مرلی دھرن، چمندا واس، مہیلا جے وردھنے، کمار سنگاکارا اور اینجلو میتھیوز جیسے عظیم کھلاڑیوں میں شامل ہوں گے جو 100 ٹیسٹ کھیل چکے ہیں۔