پنجاب حکومت نے ” مریم نواز کمیونٹی ہیلتھ سروسز“ متعارف کرانے کا فیصلہ کیا ہے۔
وزیر اعلیٰ پنجاب مریم نواز کے اس اقدام سے شعبہ صحت کے 19 اہم ٹاسک پورے ہوں گے، ہیلتھ سروسز کے ذریعے صحت سے متعلق ٹاسک پورے کیے جائیں گے۔
پنجاب میں آؤٹ سورسنگ کے ذریعے پروگرام کیلئے مزید 20 ہزار ہیلتھ انسپکٹرز کی خدمات لی جائیں گی، لیڈی ہیلتھ ورکر پروگرام کو بھی مریم نو از کمیونٹی ہیلتھ سروسزسے منسلک کیا جائے گا۔
خیبرپختونخوا حکومت کی صحت کارڈ اسکیم میں مفت او پی ڈی سروسز شامل
39 ہزار لیڈی ہیلتھ ورکر مر یم نواز کمیونٹی ہیلتھ سروسز فورس کا حصہ ہوں گی، مجموعی طور پر ورک فورس تقریباً 60 ہزار سے زائد پر مشتمل ہو گی۔
مریم نواز کمیونٹی ہیلتھ سروسز پولیو سمیت دیگر ویکسی نیشن کی ذمہ دار ہو گی، کمیونٹی ہیلتھ سروسزسے میپنگ کا ٹاسک بھی پورا کیا جائے گا۔
وزیراعلیٰ مریم نواز نے کمیونٹی ہیلتھ سروسز سے متعلق جامع پلان طلب کر لیا ہے اور مریم نواز کمیونٹی ہیلتھ سروسزکو فنکشنل کرنے کیلئے فوری اقدامات کا حکم بھی دے دیا ہے۔