بالی وڈ اداکارہ ایشوریا رائے کو نہ صرف بھارت بلکہ دنیا کی خوبصورت ترین خواتین میں شمار کیا جاتا ہے اور ماضی میں وہ مقابلہ حسن بھی جیت چکی ہیں۔
چونکہ ان کی خوبصورتی بنا عیب کے دکھائی دیتی ہے اس لیے بہت سے لوگوں کا خیال ہے کہ ایشوریا کا یہ حسن قدرتی نہیں بلکہ مصنوعی ہے اور اداکارہ نے پلاسٹک سرجری کروارکھی ہے۔
ماضی میں ایک انٹرویو میں ریکھا سے اس متعلق سوال کیا گیا جس پر انہوں نے کہا 'تمام ماڈلز میں مجھے ایشوریا سب سے زیادہ پسند ہیں، میں میڈیا اور لوگوں کی جانب سے انہیں پلاسٹک کہے جانے کی بالکل حمایت نہیں کرتی'۔
ریکھا نے کہا 'مجھے لگتا ہے کہ ایشوریا بہت ہی واضح چہرے کے تاثرات دیتی ہیں، اگر مجھے ضرورت پڑی تو میں شیرنی کی طرح ایشوریا کے لیے لڑوں گی اور اس بات کی مخالفت کروں گی'۔
سینئر اداکارہ نے کہا 'انڈسٹری میں کوئی بھی ایشوریا کا ثانی نہیں ، میرا دل اس کے ساتھ ہے'۔
واضح رہے کہ سوشل میڈیا صارفین اکثر و بیشتر یہ دعویٰ کرتے نظر آتے ہیں کہ ایشوریا رائے نے کاسمیٹک سرجریز کروارکھی ہیں جس کی وجہ سے وہ اس عمر میں بھی اتنی جوان اور خوبصورت نظر آتی ہیں۔