سعودی فرمانروا شاہ سلمان بن عبدالعزیز نے 45 ملکوں میں قرآن مجید کے 12 لاکھ نسخے تقسیم کرنے کی منظوری دے دی۔
سعودی پریس ایجنسی کے مطابق قرآن مجید کے 79 زبانوں میں تراجم بھی مختلف ملکوں میں تقسیم کیے جائیں گے۔ اس منصوبے کی اسلامی و ثقافتی مراکز اور سعودی سفارتخانوں میں موجود مذہبی اتاشی کے دفاتر کے ذریعے کی جائے گی۔
سعودی عرب، رمضان المبارک میں مساجد کے لئے ہدایات جاری
سعودی وزیر برائے اسلامی امور، دعوت اور ارشاد شیخ ڈاکٹر عبداللطیف بن عبدالعزیز آل الشیخ نے کہا کہ تقسیم کے لیے شائع ہونے والے قرآن کے نسخے عالمی سطح پر سب سے بہترین ایڈیشنز میں سے ایک ہیں۔
انہوں نے بتایا کہ اس منصوبے سے مستفید ہونے والے ممالک تک قرآن کے نسخوں کی ترسیل کی تمام تیاریاں مکمل کر لی ہیں۔