پاکستان اسٹاک ایکسچینج میں کاروبار میں تیزی کا رجحان رہا ، دوسری جانب ڈالر کی قیمت میں اتار چڑھائو کا سلسلہ جاری ہے۔
کاروباری ہفتے کے پہلے روز کاروبار کے آغاز پر اسٹاک مارکیٹ کے 100 انڈیکس میں 300 سے زائد پوائنٹس کا اضافہ ہوا جس سے ہنڈرڈ انڈیکس ایک لاکھ 13 ہزار 591 پوائنٹس کی حد کو چھو گیا۔
گزشتہ کاروباری ہفتے کے آخری روز سٹاک مارکیٹ میں ہنڈرڈ انڈیکس ایک لاکھ 13 ہزار 251 پوائنٹس کی سطح پر بند ہوا تھا۔
انٹر بینک میں ڈالر سستا ، اسٹاک ایکسچینج میں کاروبار کا مثبت رجحان
دوسری جانب ڈالر کی قیمت میں اتار چڑھائو کا سلسلہ جاری ہے ، انٹر بینک میں ڈالر کی قیمت 279 روپے ، 65 پیسے ہو گئی ہے۔
علاوہ ازیں رمضان المبارک میں اسٹاک ایکسچینج کے دفتری اور کاروباری اوقات جاری کر دیئے گئے ہیں۔ اعلامیے کے مطابق اسٹاک ایکسچینج کے رمضان میں دفتری اوقات پیر تا جمعرات 9 سے 3 بجے جبکہ کاروباری اوقات 9:17 سے 1:30 تک ہونگے۔
اسٹاک مارکیٹ میں ملا جلا رجحان ، ڈالر سستا ہو گیا
اسٹاک مارکیٹ میں جمعے کو دفتری اوقات 9 سے 2 بجے جبکہ کاروباری اوقات 9:17 سے 12:30 تک ہوں گے۔