پشاور: عدالت نے وزیر اعلیٰ خیبر پختونخوا علی امین گنڈاپور کو اگلی سماعت تک گرفتار نہ کرنے کا حکم دے دیا۔
عدالت نے وزیر اعلیٰ خیبر پختونخوا کے خلاف مقدمات کی تفصیلات کی درخواست پر مختصر حکم نامہ جاری کر دیا۔ پشاور ہائیکورٹ نے وزیر اعلیٰ علی امین گنڈاپور کو کسی مقدمے میں اگلی سماعت تک گرفتار نہ کرنے کا حکم دے دیا۔
عدالت نے علی امین گنڈاپور کے خلاف متعلقہ ریکارڈ اور زیر التوا مقدمات کا ریکارڈ بھی پیش کرنے کا حکم دیا۔ قومی احتساب بیورو (نیب) پراسیکیوٹر کے مطابق وزیر اعلیٰ کے خلاف صرف بیورو آفس میں ایک انکوائری زیر التوا ہے۔ اور درخواست گزار کے خلاف کسی اور عدالت میں کوئی کیس یا ریفرنس موجود نہیں ہے۔
حکم نامے میں کہا گیا کہ اے اے جی نے بتایا کہ مقدمات کی تفصیلات اکٹھی کرنے کے لیے وقت درکار ہے۔ اور وفاقی تحقیقاتی ادارے (ایف آئی اے) کی جانب سے کوئی رپورٹ جمع نہیں کرائی گئی۔
یہ بھی پڑھیں: امیر جماعت اسلامی کا پیٹرول کی قیمت میں 50 روپے فی لیٹر کمی کا مطالبہ
حکم نامے میں کہا گیا کہ ایڈووکیٹ جنرل افس بھی وزیر اعلیٰ خیبر پختونخوا کے خلاف مقدمات کی تفصیلات فراہم کریں۔ اور صوبائی حکومت بھی تمام متعلقہ ریکارڈ عدالت میں پیش کرے۔
عداتل نے وزیر اعلیٰ خیبر پختونخوا علی امین گنڈاپور کے خلاف مقدمات کی تفصیلات کے کیس کی اگلی سماعت 15 اپریل تک ملتوی کر دی۔